KRIKÉ KRAKÉ - RAKONTAJ ZISTOIR

Zordi mi prézant azot in gayar laktivité pou zot fé, kiswa an klas ou byin la kaz èk zot marmay

Daborinn, i fo zot bann zélèv ou byin zot marmay lé abityé sanm la struktur in zistoir

Si zot lé anklas, zot i travay dabor "La structure du conte - schéma narratif". Si zot lé la kaz, zot i èsplik byin zot marmay ké in zistoir i suiv in déroulman spésifik : 

• Situasyon pou komansé : prézant landroi, lo pèrsonaj prinsipal...
• Pèrturbasyon : na in nafèr i èspas, in laksyon i ariv lo pèrsonaj prinsipal
• Péripési : lo pèrsonaj prinsipal li fé bann nafèr, li dékouv bann zobjé, na domoun i yèd ali...
• Poinnvizé : lo éro i trouv in solusyon, lo problinm lé réglé
• Situasyon pou fini : tout i rant an ord

Pou joué lé fasil, zot marmay i shoizi in kart shak koulèr, é li invant in zistoir !

/!\ OUBLI PA UTILIZ BANN FORMULASYON LOKAL :

Kriké-kraké, navé inn foi, mésié lo foi la manj son foi èk in grin d'sèl, si lé mantèr la pa moin lotèr....

Kod koulèr lo bann kart :

Gri ==> Lo éro

Oranj ==> pèrsonaj segondèr

Rouj ==> Lo méshan

Blé ==> Landroi ousa laksyon i èspas

Vèr ==> In lobjé majik pou èd lo éro

Roz ==> in zanimo